Episode 8: Nina Borge

Episode 8: Nina Borge

Gjesten denne gongen heiter Nina Borge og er ei stigande stjerne på den norske UV-scena. På to år har Nina Borge snart gitt ut tre bøker. Den første, science-fictionromanen Utbryterne, blei nominert til Uprisen i 2021.

For første gong har vi også ein ungdom med i studio. Aron Magnus Foldøy Hageberg bidreg som reflektert sidekick under intervjuet. Han er geimar, glad i fantasy og i målgruppa for UV-litteraturen. Kanskje ikkje så rart at kjemien med forfattaren og rollespelfantasten Nina Borge blei ordentleg god!

Bøkene vil alltid ha forrang her i Forfattaren & favoritten. Men i denne episoden kjem vi også grundig inn på gaming og rollespel, og ikkje minst parallellar mellom ulike medier når det kjem til dette med å skapa handling og karakterar.

Vi får høyra detaljar frå skrivestova til Nina Borge, om korleis den strukturerte forfattaren nyttar teknikkar ho har lært som rollespelar og Laiv-deltakar til å bygga karakterar i bøkene sine. Laiv, eller levande rollespel, er ei improvisert dramatisering, der dei som er med spelar ut ein ein fiktiv person og ei handling – som eit skodespel utan publikum – for eksempel i ein skog gjennom ei helg.

Vi kjem grundig inn på dataspelet CS-GO. Bokstavane står for Counter-Strike: Global Offensive, og er eit førstepersonsskytespill der kvar spelar blir med på eitt av to lag, terroristane eller counter-terroristar, som kjempar mot kvarandre.

Vi snakkar forresten også ein del om angst, sidan det er ein viktig tematikk i Nina sin andre roman. Og du skal få høyra kva for eit reisemål Nina Borge oppdaga på biblioteket då ho hadde lese Ringenes herre og tenkte: «Det kan jo ikkje finnast fleire sånne stadar å dra til!»

Og mot slutten stiller Aron eit spørsmål som kastar oss inn i heftige refleksjonar rundt dette med oppfylling av leseforventingar og korleis forfattarar kan sjonglera sjangerkonvensjonar - dette med at all fantasy har magi, men at det interessante kanskje ligg i korleis magien blir løyst.

Ja, og så kjem vi stadig tilbake til den kanadiske feministen, miljøaktivisten og forfattaren Margaret Atwood – som likevel ikkje står på pallen til Nina Borge. For der står nemleg:

1)  Tidshjulet-serien (1990–2013) – Robert Jordan

2)  Silmarillion (1977) – J.R.R. Tolkien

3)  Ravneringene-trilogien (2013–2015) – Siri Pettersen

Episoden blei spelt inn ved Skien bibliotek torsdag 28. oktober 2021.

Programleiarar: Arne Olav Hageberg og Aron Magnus Foldøy Hageberg

Opptak og redigering: Marcus Patai og Arne Olav Hageberg

Musikk: Halvor Nordal Strand

Redaksjonsmedlemer: Cecilie Lysell og Stian Omland

Forfatteren & Favoritten er eit samarbeid mellom folkebiblioteka i Porsgrunn og Skien.

Nina Borge (f. 1983)

Utbryterne (2020) - nominert til Uprisen 2021

Outlaster (2021)

Fumbler (2022)

Forfatteren & Favoritten er en månedlig bokpodkast der en forfatter forteller litt om sine egne bøker og, aller mest, om de tre bøkene som gjorde størst inntrykk på dem da de var mellom 15 og 20 år. Vi vil høre om bøkene, om hvorfor de er så bra, hva de har betydd og hvorfor mange flere bør lese dem i dag. F&F er et samarbeid mellom Porsgrunn bibliotek og tidsskriftet Bok & bibliotek.

• Antall episoder: 34
• Siste episode: 2024-10-18
• Kunst

Hvor kan du lytte?